Transporti në Tiranë po operon prej ditësh me gjysmë kapaciteti, gjë që ka vështirësuar jo pak lëvizjet e qytetarëve.
Sipas Unionit të Transportit Publik vendimi për përgjysmimin e urbanëve në Tiranë vjen “si shkak i mos-marrjes së masave nga ana e qeverisë për të kompensuar humbjet që sektori i transportit publik kishte pësuar gjatë pandemisë. Në deklaratën e tyre shtojnë se sektori ka shkuar deri në kapitullimin ekomomik”.
Nga ana tjetër, qytetarët janë ata që po e vuajnë më së shumti këtë problematikë, të cilët të pyetur nga “Fax Web” janë shprehur mjaf të revoltuar mbi vonesat e urbanëve dhe bëjnë thirrje që të merren masa sa më shpejt.
Po ashtu, qytetarët i frikësohen mjaft idesë që mund të ketë një rritje të çmimit të abonesë mujore apo të biletës.
“Kur flitet për përhapjen e Covid-19, dritaret mbyllur, njerëzit të ngjeshur dhe nuk nxirrja dot as lekët e biletës. Imagjino të kesh një urgjencë personale, është tmerr! Do të ngrihet dhe cmimi i biletës dhe u bëj thirrje të gjithëve të marrin masa”-tha një qytetare.
“Kam gjysëm ore këtu, udhëtoj me të Sharrës dhe të Ali Demit, mezzi hyp tani dhe autobuzi plot. E kam blerë 16 mijë lekë abonenë, kanë thënë do shkojë në 20. Rrezikoj humbjen e punës për shkak të vonesës, ne nuk jemi zyrtarë të dalim me makina, autobusin kemi”-u shpreh një e moshuar.
Po ashtu, kjo situatë paraqitet mjaft problematike edhe për studentët, të cilët ka raste që nuk kanë mundur që të arrijnë orën e mësimit,
“Unë jetoj në Laprakë dhe nuk e kap dot, nuk e ka fajin dhe pedagogu që na penalizon por skemi c’bëjmë. Do dalësh një orë më parë por stacionet janë plot, nuk lënë vend as për virusin”- përfundoi studenti.
