Kylie Jenner duket se e ka marrë seriozisht platformën TikTok!
Miliarderja së bashku me make-up artistin e saj Ariel, së fundmi i kanë bërë një rreng gazmor Kris Jenner nëpërmjet celularit.
Kylie i ka telefonuar të ëmës së saj dhe në momentin që ajo u përgjigj ajo fillon e flet gjëra pa lidhje. Po, këtu konsistonte “loja” që Kylie i bëri Kris.
Gjatë gjithë telefonatës ajo duhet të thonte gjërat që i vinin në mendje, të cilat nuk kishin lidhje me njëra-tjetrën apo me çfarë e pyeste mamaja e saj.
Në këtë lojë si pronarja e “Kylie Cosmetics” dhe Ariel nuk duhet të qeshnin.
Epik, ishte edhe reagimi i Kris, e cila e mbajti lojën. Videoja është bërë virale, duke marrë komente të shumta.
Më herët Kylie Jenner foli për herë të parë për gjendjen e saj emocionale pas lindjes së djalit.
“Ka qenë shumë e vështirë për mua. Kam qarë pa pushim për tre javë rresht. Është thjesht një trishtim dhe pastaj disi largohet. E pata edhe me Stormin”. Qaja aq shumë saqë kur shtrihesha më dhimbte koka.
Kylie më tej shton: “Unë nuk jam mjeke, por kam lexuar në Google që e quajnë ‘baby blues’ kur nuk zgjat gjashtë javë. Përfundimisht e kisha këtë, pasi fillova të ndihesha më e mirë pas gjashtë javësh. Por, tani ndihem mirë mendërisht, nuk qaj cdo ditë dhe kjo është e mrekullueshme,”-u shpreh ajo.
