Vetëm disa ditë më parë, moderatorja e njohur Fatma Methasani dhe shefi i kuzhinës, Alfio Rrotani, konfirmuan lajmet se do të bëhen prindër për herë të parë.
Ata ndanë në rrjetet e tyre sociale një foto me ekon e bebushit, duke marrë mijëra urime nga fansa e kolegë të shumtë.
Megjithëse ende nuk dihet në ç’muaj të shtatzënisë është Fatma dhe cila është gjinia e bebushit, dimë se këtë të fundit kanë nisur ta llastojnë që tani.
Motra e Alfios dhe kunata e Fatmës, i ka dhënë çiftit dhuratën e parë për foshnjen.
Ajo i ka surprizuar me një arush, i cili do të jetë lodra e parë e bebit që do të vijë së shpejti në jetë.
E lumtur nga ky gjest, Fatma e ka ndarë dhuratën me ndjekësit e saj në Instagram.
“Ne kemi një super hallë që na llaston me dhurata akoma pa lindur.”- shkruan Fatma krahas fotos ku falenderon kunatën e saj.
