Pas 18 muajsh, anëtari më i vjetër i BTS, Jin, është kthyer zyrtarisht nga shërbimi i detyrueshëm ushtarak.
31-vjeçari, është i pari nga supergrupi K-pop që përfundon shërbimin e tij ushtarak pasi u regjistrua në dhjetor 2022. Agjencia e BTS Big Hit Music lëshoi një deklaratë për fansat përmes Weverse, duke njoftuar zyrtarisht përfundimin e Jin nga ushtria.
Jin from BTS wraps up military service to the strains of K-pop hit Dynamite https://t.co/7IdIEDcktO
— The Guardian (@guardian) June 12, 2024
“Jin është afër fundit të shërbimit të tij ushtarak dhe së shpejti do të mbarojë“, thuhet në deklaratë. Ai gjithashtu u kujtoi fansave se nuk janë planifikuar ngjarje të veçanta dhe se dita e përfundimit është vetëm për personelin ushtarak, duke u kërkuar tifozëve të mos e vizitojnë vendin për të shmangur “çdo problem që lind nga grumbullimi i njerëzve”.
Gazetarët nga mediat koreane prisnin jashtë, duke transmetuar drejtpërdrejt ngjarjen.
Jin u pa duke dalë nga kampi, duke ndaluar për të përshëndetur dhe pozuar për kamerat dhe shikuesit. Më pas ai mori një buqetë me lule nga anëtarët e tjerë të grupit që po shërbejnë në ushtri.
Para se të regjistrohej në ushtri, Jin publikoi këngën solo “The Astronaut”. Në një video të publikuar në fillim të këtij viti, këngëtari u kërkoi fansave të “prisnin edhe pak” dhe se ai do të ishte në gjendje “të fillonte të punonte shumë së shpejti”.
BTS pritet të ribashkohet si grup në vitin 2025, kur të shtatë anëtarët do të përfundojnë ushtrinë.
