Pas 5 ditësh kërkimi, sot është gjetur në lumin Buna, trupi i pajetë i Alma Arazit. Kufoma e saj është gjetur e fundit në fshatin Pentar të njësisë Dajç, duke kompletuar kështu misionin për kërkimin e trupave të viktimave. Gjetja e trupit të pajetë u bë nga polumbarët e forcave RENEA. Më herët sot, dje dhe disa ditë më parë u gjetën edhe trupat e 3 fëmijëve të mitur, 2 vajzave dhe djalit 3-vjeçar. (lexo këtu)
Ngjarja e rëndë ka ndodhur më 2 maj. Alma Arazi u vetëvra duke u hedhur në lumin Buna, bashkë me 3 fëmijët e saj të mitur, 2 vajza dhe 1 djalë. I dyshuar kryesor për krimin e rëndë është bashkëshorti i Alma Arazit, Ergys Arazi, babai i tre fëmijëve. Ai akuzohet se ka ushtruar dhunë në familje, gjë që ka shtyrë 39-vjeçaren drejt aktit të vetëflijimit. Ndërkohë që sherri në familje kishte nisur prej kohësh, pasi Alma Arazi zbuloi tradhtinë e bashkëshortit.
Deri më tani, 31-vjeçari ka mohuar të gjitha akuzat duke u mbrojtur me pretendimin se e shoqja vuante nga probleme të shëndetit mendor. Familjarët pretendojnë se Arazi kishte një lidhje tjetër jashtëmartesore, detaj që është marrë si pistë hetimi nga autoritetet.
