Shkrimtari i njohur shqiptar, Ismail Kadare është në spital, pasi i është nënshtruar një ndërhyrjeje kirurgjikale këtë javë.
Ai u shtrua me urgjencë në pavionin urologjik të një spitali privat në Tiranë, dy ditë më parë, pasi gjendja e tij u përkeqësua teksa ishte duke kaluar pushimet me bashkëshorten.
Pas vizitës, mjekët konstatuan probleme urologjike dhe Kadare iu nënshtrua një operacioni për prostatën, nga i cili doli me sukses.
Aktualisht, shkrimtari 80-vjeçar është në gjendje të mirë shëndetësore.
