Reperi i njohur, Don Xhoni raportohet se është shoqëruar në polici gjatë ditës së sotme. Agron Borovci, zëdhënësi i Policisë për rajonin e Prishtinës, ka konfirmuar për gazetën Express se reperit i janë gjetur dhe sekuestruar një armë dhe gjashtë fishekë. Kujtojmë se disa kohë më parë, reperi u shoqërua nga policia për akuzën e armëmbajtjes pa leje.
“Sot rreth orës 15:15, në rrugën “Tahir Zajmi” në Prishtinë, pas një kontrolli të detajuar të ushtruar ndaj një personi, policia ka arritur të gjejë dhe sekuestrojë një revole të tipit Zastava, kalibër 7.65 mm, si dhe gjashtë copë fishekë, kalibër 7.65 mm”, tha ai. 22-vjeçari u shoqërua më pas në stacionin policor.
“I dyshuari Xh. I, mashkull, 22 vjeç, shtetas i Republikës së Kosovës, është shoqëruar në stacionin policor, për t’u proceduar më tej, konform rekomandimeve të prokurorit të shtetit”, tha Borovci.
Kujtojmë se u përfol disa ditë më parë që Don Xhoni i la pas meritë me Noizy-n.
Reperi Don Xhoni i habiti të gjithë me postimin e tij në rrjetet sociale. Ai ka ndarë një video nga makina e tij teksa dëgjonte këngën më të re nga Noizy dhe Loredana, “Heart attack”.
Menjëherë kanë nisur aludimet nga fansat të cilët mendojnë se mos reperat i ka lënë anash inatet me njëri-tjetrin.
