Era Istrefi pritet të performojë mbrëmjen e sotme në natën finale të Kupës së Botës.
Gjatë provave për ditën e madhe, Era nuk ka qënë aspak vetëm. Këngëtarja e hitit “Bon Bon” është shoqëruar nga legjenda braziliane Ronaldinjo.
Ata u njohën në xhirimet e këngës “Live it up” dhe duket se ruajnë miqësi të mirë edhe sot. Përmes një foto në “Instagram”, ajo falenderon ish-futbollistin për prezencën e tij në Rusi.
Mirëpo fansat shprehin dyshime nëse mes tyre, ka më shumë se miqësi, pasi janë parë shpesh në shoqërinë e njëri-tjetrit.
Era do të performojë sonte këngën “Live it up” së bashku me këngëtarin Will Smith dhe Nicky Jam, përpara ndeshjes Francë – Kroaci për finalen e Kupës së Botës në Moskë.
