Anitta është bërë këngëtarja e parë braziliane, e cila ka performuar në festivalin muzikor “Coachella”.
Ajo e filloi shfaqjen e saj duke u rrotulluar me një motorrë në skenë, për t’iu bashkuar reperit të njohur, Snoop Dogg.
Të dy – të cilët kanë qenë miq të ngushtë që kur publikuan këngën e tyre “Onda Diferente” në vitin 2019 – performuan së bashku hitin e tyre për të nisur shfaqjen.
Në një moment, Anitta madje e inkurajoi Snoop-in të provonte të bënte lëvizje me të – ai u përpoq, por nuk e zgjati shumë.
“Të dua shumë Snoop Dogg kam kaq shumë respekt dhe mirënjohje. Asnjë fjalë nuk mund ta shpjegojë kurrë. Përjetësisht mirënjohës”, ka shkruar këngëtarja në “Instagram”-in e saj.
View this post on Instagram
Më vonë gjatë shfaqjes, Anitta performoi hitin e saj të vitit 2022 “Faking Love” me një paraqitje të shkurtër nga Saweetie.
Nga sfondi deri tek ndryshimet e shumta të veshjeve, Anitta rrezatonte energji dhe kulturë braziliane. Për pamjen e saj të parë, ajo kishte veshur një komplet dy pjesësh jeshile, të verdhë dhe të kaltër me çizme të verdha dhe syze dielli (të gjitha ngjyrat e flamurit brazilian).
