Dua Lipa u ngjit në skenën e ceremonisë së ndarjes së çmimeve “Billboard Music Awards” në Las Vegas, për të performuar këngën “New Rules”, e cila arriti kulmin duke u renditur e 6-ta në klasifikimin e Hot 100, në shkurt.
Ylli i pop-it mbante veshur një fustan të shkurtër lejla, ndërsa performoi me kërcimtaret.
Por detaji kryesor ishte një flamingo gjigande, me të cilin identifikojmë edhe videoklipin e këngës së saj.
Këngëtarja me origjinë shqiptare e nisi performancën e saj duke qëndruar mbrapa flamingos, para se të zbriste shkallët me kërcimtaret e saj.
Momenti më interesant ishte kur mbylli këngën me një pozë shumë të fuqishme, duke qëndruar sipër statujës.
Burimi: Billboard
