Ishte shfaqja e Coldplay, por Beyonce dëshironte të ishte me çdo kush pjesë e saj për të tërhequr vëmendjen.
Për këtë arsye, këngëtarja bëri rikthimin e saj triumfues në skenën e së shtunës gjatë shfaqjes së Coldplay në Super Bowl 50 bashkë me Bruno Mars, në stadiumin Levi në Santa Clara, Kaliforni.
Ndërsa performonte këngën e saj të re “Formation”, të cilën e publikoi vetëm një ditë para eventit pa asnjë paralajmërim, këngëtarja rrezikoi të rrëzohej, por shpëtoi.
Ky moment u regjistrua dhe u përhap menjëherë në rrjetet sociale, ndërkohë që në këtë mënyrë tregoi se sa të vështira janë lëvizjes e kërcimit të saj.
Por kjo nuk ishte surpriza e vetme e Beyonce, ndërkohë që këngëtarja shpalli turin e ri nëpër botë, që do të nisë në prill.
Beyonce kërceu e veshur me një çizme Christian Louboutin dhe një xhaketë të zezë Dsquared2 të frymëzuar nga Michael Jackson, që kishte dy zinxhirë si ushtarakë ngjyrë ari në pjesën e kraharorit. Ajo u shoqërua nga një trup prej 30 kërcimtarësh të veshur po ashtu me të zeza duke u përshtatur kështu me këngën.
Këngëtarja shprehu shpërthimin e fuqisë dhe solidaritetit të femrave me ngjyrë.
Burimi: Time
