Një studim i ri i publikuar në revistën mjekësore PLOS One ka zbuluar një lidhje të qartë mes përdorimit të telefonave në banjo dhe rritjes së rrezikut për hemorroide. Sipas të dhënave në revistë, personat që përdorin telefonin rregullisht në tualet kanë 46% më shumë gjasa të zhvillojnë hemorroide, krahasuar me ata që nuk e bëjnë këtë.
Studimi përfshiu 125 të rritur që iu nënshtruan kolonoskopisë. Nga këta, 66% thanë se përdorin telefonin në banjo për të lexuar lajme apo shfletuar rrjete sociale. Shumica prej tyre kalonin më shumë se 5 minuta ulur në tualet, çka ndikon negativisht në qarkullimin e gjakut dhe shton presionin në venat rektale, duke shkaktuar fryrje, dhimbje, kruarje dhe gjakderdhje, të gjitha simptoma të hemorroideve.
Mjekët shpjegojnë se qëndrimi i zgjatur ulur në pozicionin e tualetit është më i dëmshëm se ulja në një karrige normale, pasi mungon mbështetja e duhur për legenin. Kjo krijon presion të shtuar në zonën anale.
Rekomandimi i ekspertëve është i qartë: qëndroni jo më shumë se 3-5 minuta në tualet dhe shmangni përdorimin e telefonit gjatë këtij momenti. Pra përdorimi i telefonit në tualet rrit rrezikun për hemorroide. Ekspertët japin këshillën alarmante: jo më shumë se 5 minuta ulur.
