Ariana Grande ka kërkuar falje pasi Kanye West nuk e priti mirë faktin që ajo përdori sherrin e tij me Drake për të reklamuar këngën e re.
Kanye West dhe Drake kanë nisur një luftë të fortë online prej ditësh dhe në një farë mënyrë Ariana Grande, e përdori këtë debat për të promovuar këngën e saj ‘Thank you, next’.
Ky postim nuk u prit mirë nga reperi i cili nuk nguroi të shprehë irritimin e tij për këngëtaren. Duke njohur marrëdhënien e mirë që Ariana Grande ka me familjen Kardashian, reagimi i saj pritej.
Me anë të një postimi të dytë në ‘Twitter’ ajo kërkoi falje për komentin, duke e cilësuar si të nxituar dhe pa qëllim të keq.
“Me gjithë respektin, nuk kam nevojë të përdor askënd për të promovuar diçka. Po bëja vetëm një koment për atë që po bënin meshkujt në atë kohë përballë femrave në të njëjtën kohë, gjë që tani e kuptoj, ishte e nxituar. Kërkoj falje, nuk ishte e qëllimshme dhe uroj të ndiheni mirë sot”, u shpreh ajo.
Kanye West është zyrtarisht në “luftë” me reperin Drake! Ye tregoi në “Twitter” se Drake e kishte kërcënuar me familjen e tij, pasi dyshon se ishte Kanye ai që i ka thënë reperit Pusha T për djalin që po e mbante sekret. Nga ana tjetër, Kanye i kërkoi Drake që t’i kërkonte falje për diss-in që i bëri markës Yeezy në këngën “No Stylist”. Sigurisht, që Kim Kardashian nuk mund të rrinte e heshtur dhe i doli në mbrojtje të shoqit në “Twitter”. (Lexo këtu)
