Mbrëmjen e djeshme mbarë opinion publik u trondit nga historia monstruoze e një babai që ka përdhunuar për 16 vjet rresht vajzën e tij.
Abuzimin ndaj së bijës, babai e kishte nisur që kur ajo ishte në moshën 9-vjeçare, por vajza ka gjetur guximin për ta denoncuar vetëm ditën e djeshme.
25-vjeçarja pasi u rrëfye tek murgeshat në një kishë ortodokse, vendosi të denonconte në polici të atin, 61-vjeçar, për abuzim seksual. Menjëherë policia ka vepruar duke e arrestuar babain e vajzës.
Ndërkohë “syri.net” ka zbuluar se Qirjako Nakuçi fillimisht e ka mohuar akuzën, por më pas gjatë seancës gjyqësore me dyer të mbyllura është penduar.
Mirëpo ai i ka habitur të gjithë me deklaratën e tij teksa ka thënë se në moshë madhore vajza ka dashur vet dhe gjithçka ka ndodhur me dëshirën e saj.
Ndërkohë pritet që gjykata të jap vendimin e saj në lidhje me këtë çështje.
