Një ditë pas shembjes së Teatrit Kombëtar, kryebashkiaku Erion Veliaj ka folur për projektin e diskutuar të kullave që mund të përfshijë teatri i ri.
Në një intervistë në emisionin “Opinion”, kryebashkiaku tha se askush nuk mund të pengojë bashkinë të zhvillojë pronat e saj. Ai e quajti teatrin pronë të bashkisë dhe jo një monument kulture dhe tha se vendimi që Teatri Kombëtar të mos hynte në godinat e mbrojtura është vendosur nga Bujar Leskaj.
Sikur të mos ta kishte dhënë vetë vendimin për prishjen e tij, Veliaj u shpreh se ndjen keqardhje për teatrin, madje ka marrë me qindra mesazhe mallkimesh në telefon për këtë çështje.
Fevziu: A më garantoni, jo mua qytetarërve, që në vijim të këtij teatri nuk do vazhdojnë kullat e parashikuara fillimisht ?
Veliaj: Janë dy projekte më vete.
Fevziu: A, ai është projekt që do të vazhdojë?
Veliaj: E para e punës askush nuk ta të drejtë t’i thotë bashkisë të mos zhvillojë pronat. Bashkia mund të bëjë aty një hotel dhe t’ia shesi Sofitelit apo Hiltonit. Mund të bëjë një shkollë, mund të bëjë një park, është de drjeta e bashkisë të zhvillojë pronat dhe kjo historia më garanto ti mua…..
Më pyet tani se çfarë do të bëjmë me kullotat në Kashar. Sapo ju provova që kjo bashki ka 5 fishuar buxhetin. Po si është rritur buxheti vetëm nga taksat? Nga fuqia e kësaj bashkie për të mos lënë hapësirë pa shfrytëzuar.
/Opinion.al
