Kim Kardashian ka një zemër të madhe dhe këtë e dëshmoi dhe së fundmi pasi ndihmoi një familje në nevojë.
Sipas “GoFundMe” të familjes, ylli i “Keeping Up With the Kardashians” dhuroi 3000 dollarë për nënën me katër fëmijë.
Gruaja tha se burri i saj vdiq nga COVID-19 dhe po ashtu humbi punën gjatë pandemisë duke e bërë dhe më të vështirë rritjen e fëmijëve të saj.
“Gjatë gjithë kësaj kohe, fatkeqësisht faturat tona kanë mbetur prapa, pasi kemi qenë në gjendje të bëjmë pagesat minimale”, shkroi gruaja ndërsa kërkoi 3000 dollarë.
Burime të shumta konfirmuan për “Page Six” se dhuruesja e shumës së plotë ishte themeluesja e KKW Beauty, por nuk kishte dëshirë që të zbulonte identitetin e saj.
“Kim vërtet i dhuroi. Ajo donte ta bënte atë në mënyrë anonime dhe dha shumën e plotë që kërkonte nëna kur e bëri postimin, e cila ishte 3000 dollarë”, u shpreh një nga burimet.
Kujtojmë se Kim është po ashtu nëna e katër fëmijëve: North, Saint, Chicago dhe Psalm.
Thuhet se ajo dhe Kanye West po mendojnë seriozisht për një ribashkim të tyre. Madje po aludohet se ata duan të tërheqin kërkesën për divorc. Duket se ata kanë një arsye për të qenë sërish bashkë, përveç mirëqenies së katër fëmijëve të tyre.
