Një nga grupet muzikore që i kujtojmë më me nostalgji është ai i ashtuquajturi “Produkt 28”.
Nëse jeni keq me memorien dhe nuk i mbani mend anëtarët e grupit, ju rikujtojmë se pjesë e “Produkt 28” janë Turjan Hysko, Fabian Basha dhe Alban Kondi.
Prej shumë vitesh nuk kemi dëgjuar më asnjë bashkëpunim nga ata, por së fundmi një lajm i mirë për të gjithë adhuruesit e muzikës së tyre, shihet në horizont.
I ftuar ditën e sotme në emisionin “Ditë e re”, Fabiani ka pohuar se impakti pozitiv që pati tek publiku rikthimi i “West Side Family” u ka dhënë pjesëtarëve të grupit “Produkt 28” një sinjal të mirë motivimi për të risjellë këngë të reja.
“Nuk di ta them me siguri sepse gjërat kanë ndryshuar edhe muzika ka ndryshuar shumë. Por rikthimi i ‘West Side Family’ dhe fakti që publiku e priti shumë mirë na ka dhënë një sinjal të mirë motivimi. As vetë nuk e di, por kurrë mos themi kurrë”, është shprehur Fabiani.
Epo, rikthim të mbarë atëherë!
