Sot më datën “1 Maj”, në ditën e punëtorëve 43-vjeçari Edmond Hoxha ka dalë për të protestuar në sheshin “Evropa” në Fier për të dytin vit radhazi.
Ndër të tjera Hoxha ka deklaruar se ai dëshiron që të ndërgjegjësojë mbarë popullin shqiptar që të kërkojë të drejtat e tij në punë.
Me një pankartë të madhe në dorë dhe i vetëm, Hoxha ka pohuar se protesta që bën nuk është aspak politike.
“Protesta ime nuk është politike. Bërtas për të gjithë. Për ata njerëz që ankohen dhe e kanë të vështirë. Punoj në ndërtim, por nuk arrij të paguaj faturat”, ka pohuar 43-vjeçari për “balkanweb.com”.
