Megan Fox tha në një intervistë të re me Glamour UK se ajo dhe i fejuari Machine Gun Kelly pinë gjakun e njëri-tjetrit “për qëllime rituale”.
“Pra, mendoj se të pimë gjakun e njëri-tjetrit, mund t’i konfuzojë njerëzit ose ata po na imagjinojnë duke e pirë gjakun me gota si tek “Game of Thrones”,” tha aktorja 35 vjeçare.
“Janë vetëm disa pika, por po, ne e konsumojmë gjakun e njëri-tjetrit me raste, vetëm për qëllime rituale.”
Kur njoftoi fejesën e saj me këngëtarin e “Bloody Valentine”, 32 vjeçar në janar, Fox shkroi në Instagram se bashkëshortët e ardhshëm “pinë gjakun e njëri-tjetrit” për të përkujtuar rastin.
Megan këmbënguli se konsumimi i gjakut nga ta është “i kontrolluar”.
Ylli i Jennifer’s Body vazhdoi të shpjegojë se cilat mund të jenë ato raste, të tilla si “ritualet në hënën e re dhe hënën e plotë”.
“Dhe kështu, kur e bëj, është një pasazh ose përdoret për një arsye,” vazhdoi ajo. “Ai është shumë më kaotik, i gatshëm të hapë gjoksin e tij me xham të thyer dhe të thotë: “Ma merr shpirtin”.
Fox mund të ketë tashmë pronësinë e shpirtit të të fejuarit të saj, megjithatë, ajo beson se mund të ketë pasur dorë në krijimin e tij gjatë dëshirave të saj të fëmijërisë.
“Ai është ekzaktësisht tipi im përsa i përket anës fizike, e kam ëndërruar që kur isha katër vjeç,” tha Fox. “Unë jam katër vjet më e madhe se ai. Mendimet dhe qëllimet e mia e bënë atë personin që është, kush e di se si do të dukej apo do të ishte sikur të mos ishte për mua.”
