A mer Blendi Fevziu më shumë se 7 mijë euro në muaj?
Paga e një prej gazetarëve më të njohur në vend, është diskutuar shpesh herë dhe gjithnjë ngjall interes! Së fundi ai ka qenë i ftuar në emisionin “3shat”, ku i pyetur nga moderatorja Bora Zemani, ka zbuluar pagën e tij.
“Iconstyle.al” realizoi një sondazh dy ditë më parë për të pyetur lexuesit e faqes mbi pagën, dhe 80 për qind mendonin se po, Blendi Fevziu paguhet 7 mijë euro, (në mos më shumë), dhe 20 për qind mendonin se shifra është e ekzagjeruar.
Por Blendi e zbuloi vetë dje sa merr kur u pyet nga Bora Zemani!
“Merr më shumë se 7 mijë euro në muaj Blendi Fevziu?”
“Po i marr”, tha ai.
“A të ngelet ndonjë lek pas shpenzimeve që ke”, e pyet sërish Bora.
“Pa dyshim që më ngelet”, iu përgjigj Blendi.
