Miley Cyrus u ngjit mbrëmë në skenën e Sunny Hill, për të dhënë performancën e saj të parë në Prishtinë!
Këngëtarja ishte e ftuara speciale e Dua Lipës dhe ashtu siç pritej ajo elektrizoi skenën e këtij festivali në natën e parë.
Miley u prit mjaft mirë nga publiku i cili brohoriste me të gjatë performancës. Kjo bëri që këngëtarja të shprehej e lumtur dhe të theksonte se muzika është ajo që i bashkon njerëzit ngado që vijnë!
“Pjesa më e mirë e muzikës është se të gjithë kemi një gjë të përbashkët: E duam muzikën”, u shpreh ajo.
Miley kishte zgjedhur që në këtë festival të vishej e tëra me të zeza, ndërsa para se të këndonte tha se ndihet e nderuar që është pjesë e këtij festivali.
