Si çdo vit, edhe kësaj here Kryeministri Rama, së bashku me bashkëshorten e tij Lindën dhe vogëlushin Zaho, u nisën drejt Dhërmiut për të kaluar pushimet e tyre të verës.
Në profilin e tij në Instagram, Rama ndau me ndjekësit një foto familjare nga bregdeti i jugut, ku kishte pozuar me partnere, Lindën, ndërsa para tyre po lahej në det Zaho.
Duket se kryeministri i shijon shumë pushimet në bregdetin e jugut.
Ai qëndron në vilën qeveritare të Dhërmiut, me një pamje e cila shikon nga Karaburuni në Sarandë dhe prej aty dallohet Korfuzi.
Kjo vilë u projektua enkas për Enver Hoxhën dhe gjatë kohës së regjimit ajo u përdor më së shumti nga Spiro Koleka.
Vila u përdor gjithashtu nga Ilir Meta dhe Sali Berisha gjatë kohës që ishin krerë të qeverisë, ndërsa tashmë këtë vilë po e shijon kryeministri Rama.
Ai e ka rinovuar totalisht vilën e vjetër, duke i bërë gjithçka nga e para.
“Lapsi.al” ka publikuar pamje brenda vilës së Ramës, e cila vëmë re se është zbukuruar me piktura të shumta, ndërsa kopshti i shtëpisë është i gjithi i mbuluar me gjelbërim.
