Që jeta e një artisti është shumë e ngarkuar dhe me angazhime të pafundme kjo dihet tashmë. Nëse do kërkonit për një emërues të përbashkët për këngëtarët, do ju ofronim faktin që nuk janë pranë familjes së tyre në ditë të shënuara.
Duke qenë se festat dhe ditët e veçanta i gjejnë duke performuar në koncerte të ndryshme, pjesën më të madhe të festave këngëtarët detyrohen ta kalojnë larg personave të zemrës.
Megjithatë, 2020 ndryshe nga çdo herë tjetër po u jep një shans të artë atyre për ta kaluar natën e ndërrimit të viteve me personat e familjes.
Getinjo, përmes një statusi në rrjetet sociale, shprehet se ka 5 vite që këtë natë festive e kalon larg prindërve të tij dhe më në fund sot feston në shtëpi.
Teksa pranon se ashtu si për të gjithë 2020 ka qenë vit i vështirë, ky vit i ka sjellë një të mirë dhe është pikërisht fakti se po e pret Vitin e Ri me familjen e tij.
“Lamtumirë 2020. Veç një faleminderit 2020 mundem ta bëj, për shkak se pas pesë viteve po e pres me familje Vitin e Ri. Përndryshe ki me qenë kujtimi më i keq i krejt njerëzve. Shko dhe mos u kthe oj lavire”, ka shkruar reperoi në InstaStory.
