Gjatë qëndrimit brenda shtëpisë së “Big Brother VIP Albania”, emri i Monika Lubonjës ishte e përfshirë po ashtu në skandalin e pagave.
Të dhënat personale të rreth 650 mijë shtetasve shqiptarë u bënë të ditura mes tyre edhe listat e pagave që u bënë virale.
Kudo qarkulluan listat ku Monika Lubonja rezultonte se merrte pagë si këshilltare e kryetarit të Bashkisë Erion Veliaj edhe pse ishte brenda programit.
E ftuar ditën e sotme në “Shqipëria Live” Monika ka folur për herë të parë dhe u shpreh se ka kërkuar që paga e saj të ndërpritet para se ajo të bëhej pjesë e shtëpisë më të famshme në Shqipëri.
“Kam kërkuar të më ndërpritet paga, ndaj nuk jam paguar për 4 muaj. Edhe sot që jam me juve jam e pa paguar dhe kjo mund të vërtetohet lehtësisht dhe kjo është fatkeqësia e opinionit që marrin diçka, e sjellin dhe e japin bruto”, tha Monika.
Aktorja Monika Lubonja ishte konkurrentja e fundit që doli në spektaklin e kaluar, duke mos mundur dot të shkojë deri në finale.
Por pavarësisht kësaj, aktorja është shprehur në dalje të ndryshme televizive se ka qenë një eksperiencë e bukur dhe se e ka shijuar qëndrimin brenda shtëpisë
