Ditën e sotme të ftuarit e radhës në emisionin “Rudina”, ishin Erik Lloshi dhe bashkëshortja e tij, Romina.
Dy javë pas dasmës ata kanë treguar për herë të parë detajet e njohjes dhe Eriku ka treguar se motra e tij ka qenë ajo që i ka njohur.
“Romina punon në bankë bashkë me motrën time dhe e kam parë rastësisht Rominën në kafe me motrën. Motra ka qenë shkak i njohjes sonë. Ka pak më shumë se dy vite që jemi bashkë. Fillimisht mora informacion tek motra për Rominën. I shkruajta vetë Rominës, fillimisht i çova një buzëqeshje. Filluam të flisnim dhe më pas u takuam. Më është dashur dy javë që ta puth. Nga takimet me të kuptova që të impononte respekt dhe duhej të mateshe mirë përpara se t’i flisje,-tregoi këngëtari.
Më pas ai shtoi se me Rominën u fejuan vetëm 6 muaj pas njohjes.
Më tej Romina tregoi me bindje të plotë se që në fillim e dinte se Eriku ishte mashkulli i jetës së saj.
