Pas suksesit në muzikë, këngëtarja shqiptare, Rita Ora e ka provuar se di të jetë edhe një aktore e suksesshme. 26-vjeçaren e kemi parë fillimisht në filmin “50 Shades of Gray”, ku luante në rolin e motrës së Christian.
Por tashme Rita Ora është përzgjedhur edhe në kastin e filmit fantazi, që po xhirohet në Romë.
Me flokët e saj biondë platin dhe valëzimet e stilit të vitit 1920, Rita dukej e mrekullueshme me një fustan të shkurtër të zi dhe një palë çizme të gjata deri mbi gju. Ajo pozonte në krah të një veture të bardhë sportive që e tregonte si një vajzë Bond (nga filmi i James Bond).
Shqiptarja pati edhe një incident të vogël me fustanin të cilin nuk e kishte parashikuar aq të shkurtër. Ajo rrezikoi të nxirrte në pah gjithçka kur u ul poshtë, por fatmirësisht kishte veshur geta.
