Aktorja dhe moderatorja e njohur, Rudina Dembacaj, nuk e mban aspak larg syrit të publikut jetën e saj private. Ajo mundohet të jetë sa më transparente me ndjekësit dhe në llogarinë e saj në Instagram ndan shpesh momente të ndryshme nga përditshmëria.
Rudina na tregon gjithmonë se është kokë e këmbë e dashuruar me partnerin e saj, Mark Frrokun, i cili së fundmi i ka dhënë asaj një arsye për ta dashur dhe vlerësuar akoma më shumë.
Në InstaStory, Rudina ka treguar se shfaqja e radhës me grupin e aktorëve ka qenë në Pukë, ku prej 15 vitesh nuk kishte një shfaqje të mirëfilltë.
Kush e sponsorizoi shfaqjen do të thoni ju? Sigurisht që Marku, në emër të dashurisë!
“Faleminderit dashuria ime. Pas 15 vitesh, vjen për herë të parë një shfaqje e mirëfilltë në Pukë. Faleminderit që e mundësove!”- shkruan ajo.
Epo, Marku meriton një duartrokitje të madhe!
Në vitin 2019, Rudina konfirmoi ndarjen nga ish-bashkëshorti, vetëm 3 vite pas martesës së tyre. Ndërkohë para disa muajsh ajo mori një super propozim për martesë nga partneri i saj aktual, Mark Frroku.
Propozimi ka ardhur si një surprizë e vërtetë për Rudinën, pasi Mark Frroku kishte përgatitur vetë gjithçka në detaje. Aktorja ka zbuluar se ai i ka propozuar në një nga vendet më të bukura të Turqisë, Cappadocia, dhe momentin më të bukur të jetës e kanë fiksuar përmes disa fotografive.
Më 1 janar, moderatorja na ka surprizuar shumë të gjithëve, teksa ka publikuar disa foto nga Bashkia e Tiranës, ku shihet bashkë me Markun. Ata janë martuar, sigurisht pa ceremoni, vetëm në praninë e personave që kanë bërë celebrimin.
Megjithatë, aktorja e humorit premton se shumë shpejt do bëjnë edhe dasmën, ndërsa tashmë mban mbiemrin e Markut.
