Trajneri i Manchester City, Pep Guardiola, dhe gruaja e tij, Cristina, janë ndarë pas një lidhjeje 30-vjeçare, sipas raportimeve të mediave spanjolle. Gazeta “Sport” me bazë në Barcelonë ka raportuar se çifti vendosi t’i japë fund marrëdhënies në dhjetor të vitit të kaluar, gjatë qëndrimit të tyre në Spanjë.
Megjithatë, sipas të njëjtës gazetë, marrëdhënia e tyre mbetet “e përzemërt, e qëndrueshme dhe miqësore”, pavarësisht ndarjes. Ata kanë jetuar të ndarë për gati pesë vjet, pasi Cristina ishte kthyer në Barcelonë për të udhëhequr kompaninë e saj të modës. Edhe pse kanë jetuar në qytete të ndryshme, raportimet thonë se Cristina ka vazhduar të kalojë kohë me Pepin, që ndodhet në Londër për shkak të angazhimeve të tij profesionale.
Guardiola dhe Cristina janë njohur shumë vite më parë, kur ai ishte vetëm 18 vjeç dhe po modelonte për stilistin Antonio Miro. Ata u martuan në vitin 2014 në një ceremoni private në Spanjë dhe kanë tre fëmijë: Maria, Marius dhe Valentina.
Pavarësisht ndarjes, ata duket se vazhdojnë të mbajnë një raport miqësor dhe të respektueshëm për njëri-tjetrin.
