Qeveria ka urdhëruar që pensionistëve do t’u çohet pensioni në shtëpi pa asnjë kosto, për të parandaluar përhapjen e koronavirusit.
Pas urdhërit të qeverisë, Posta Shqiptare ka dhënë detaje sesi do të ndodhë kjo procedurë.
Të gjithë pensionistët duhet të depozitojnë numrin e telefonit, adresën e saktë, dhe ID e kartës së identitetit në kutinë postare ku tërheqin pensionin.
Në çdo zyrë postare ndërkohë do të afishohen numra kontakti për çdo informacion të nevojshmë apo paqartësi në lidhje me procesin.
Zyrat e pensioneve do të qëndrojnë të mbyllura deri në një urdhër të dytë.
Ja rregullat që duhet të ndjekin pensionistët:
Zyrat e pensioneve do të jenë të mbyllura, deri në një urdhër të dytë.
Pensionet do të shpërndahen nga Posta Shqiptare në adresat e pensionistëve pa ASNJË kosto.
Pensionistët, janë të lutur të depozitojnë numrin e telefonit, adresën e saktë dhe ID e kartës së identitetit, në kutinë postare pranë zyrës ku ata tërheqin pensionin.
Në çdo zyrë postare do të afishohen numra kontakti për çdo informacion të nevojshëm rreth shpërndarjes së pensioneve. Për çdo pyetje apo paqartësi në lidhje me procesin e shpërndarjes se pensioneve ne shtëpi, mos hezitoni të kontaktoni me Postën – 068 204 4727/asistence@postashqiptare.al
Kjo është një nga masat e ndërmarra nga qeveria për të parandaluar përhapjen e koronavirusit.
Gjithashtu kryeministri Edi Rama, urdhëroi që punonjësit e administratës të cilët munden, të punojnë me kompjuter nga shtëpia.
Për të shmangur grumbullimet e njerëzve, Rama dha urdhër për mbylljen e lokaleve, ndërsa bëri thirrje që të minimizohen daljet nga shtëpia./gazetareforma
