Në vitin 1973, një çift i ri anglez, Tony dhe Maureen Wheeler, publikoi një guidë të quajtur “Across Asia on The Cheap”. Ata nuk e dinin se një guidë e thjeshtë do të hidhte bazat për një markë udhëtimesh botërore, e quajtur Lonely Planet.
Thuajse 50 vite më vonë, perandoria e tyre e guidave turistike, “Lonely Planet” është ende në aktivitet të plotë.
Ndërkohë që pjesa më e madhe e botës po rihapet dalëngadalë pas pandemisë së koronavirusit, udhëtimet janë plani i parë për shumë prej nesh. Shpresa është që 2022 t’i shohë familjet e bashkuara dhe njerëzit e afërm të takohen pas periudhash të gjata në distancë dhe kohën e pushimeve ta përdorin për përvoja unike në jetë. Tashmë libri “Best in Travel 2022” i Lonely Planet është në shitje.
“Pas një ndërprerje të detyruar, është koha për t’i rimarrë nga rafti ato plane udhëtimesh të shtyra për gjatë dhe për t’i bërë realitet” – tha Tom Hall, zv.president i Lonely Planet, në një deklaratë. “Kjo listë me udhëtime shfaq botën në gjithë madhështinë dhe larmishmërinë e saj”.
Më poshtë janë dhjetë vendet më të mira të përzgjedhura nga Lonely Planet që duhet të vizitoni në vitin 2022.
10. Egjipt
Egjipti është atdheu i Piramidave të Gizës dhe një nga shtatë mrekullitë e botës. Por mos mendoni që fjala “e lashtë” është sinonim i asaj “i mërzitshëm”. Pavarësisht 4500 viteve histori, ne ende mësojmë më shumë nga këto mrekulli arkitekturore çdo vit. Një shembull: Piramida e Dozer, më e vjetra, u rihap për publikun, pikërisht vitin e kaluar.
9. Malawi
Malawi ndonjëherë mund të mbetet në hije për shkak të fqinjëve të afërt më të mëdhenj, si Mozambiku dhe Tanzania. Ju mund të gjeni shumë thesare “në Zemrën e Nxehtë të Afrikës”, me më pak turistë që konkurron për hapësirën përgjatë Liqenit Malawi, liqeni i nëntë më i madh në botë. Malawi ka shumë nga të njëjtat atraksione për të cilat pëlqehen kushërinjtë e tij afrikanë, si safari, ku mund të shihni elefantë, babuinë, hipopotamë dhe kafshë të tjera.
8. Nepal
Është thuajse e pamundur të flasësh për Nepalin dhe të mos flasësh për Malin Everest. Por ky komb himalajan ka shumë për t’u ofruar udhëtarëve që nuk do të ngjiten në malin më të lartë në botë. Në rajonin e largët të Mustang (që do të thotë “rrafshnaltë pjellore”), udhëtarët mund të eksplorojnë shkretëtirën e lartë dhe të takohen me vendasit në shtëpitë përgjatë rrugës, si dhe të provojnë specialitete nepaleze.
7. Oman
Mendoni se Norvegjia është i vetmi vend në botë me fjorde? Mendojeni sërish. Në Musandam, Oman, në kufi me ngushticën e Hormuzit, malet arrijnë lartësinë 2200 metra mbi nivelin e detit duke krijuar një sfond spektakolar për rrjedha të ngushta uji.
Kjo nuk është gjithçka që Omani ofron. Brenda të njëjtit udhëtim, ju mund të eksploroni “Empty Quarter” (Lagjen e zbrazët), një hapësirë shkretëtire ku Omani takohet me Jemenin, Arabinë Saudite dhe Emiratet e Bashkuara Arabe – katër shtete në të njëjtën kohë…
6.Anguilla
Anguilla është një territor britanik përtej detit dhe joteknikisht një vend. Duke thënë këtë, ishulli i mrekullueshëm i Karaibeve meriton një vështrim më të kujdesshëm.
Plani i kujdesshëm i rihapjes së Anguilla e bëri atë destinacionin e zgjedhur për bashkëpunëtoren e CNN, Hannah Seligson, e cila udhëtoi atje me fëmijët e saj të vegjël në janar. Ajo i befasua për “detin akuamarin” të ishullit, 33 plazhet publike, hotelet dhe ushqimin e mrekullueshëm”.
5. Sllovenia
Ndër shumë destinacione të njohura në Europën Lindore, Sllovenia ndonjëherë mund të humbasë në këtë ndërthurje. Chris Dwyer, bashkëpunëtor i CNN, e cilëson si “as ballkanike, as mesdhetare, as alpine, Sllovenia është më shumë një koktej i të triave, i shërbyer me ndryshimin e saj të veçantë.”
Për shkak të sipërfaqes së vogël, vizitorët mund të vizitojnë një gamë të gjerë terreni në një kohë të shkurtër, nga liqeni i mrekullueshëm i Bledit, që të lë pa frymë deri te kryeqyteti i zhurmshëm i Lubjanës.
Këtë vit, “Michelin Guide” vlerësoi me yje shtatë restorante në Slloveni.
4. Belize
Dëshironi të eksploroni rrënojat e Majave, të notoni në ujërat blu dhe të shikoni një faunë të mrekullueshme. Belize i ka të gjitha këto dhe shumë më shumë. Nëse jeni duke pritur që Australia të hapë kufijtë, udhëtoni në Belize. Belize Barrier Reef Reserve System, pasuri botërore e UNESCO-s do t’ju lërë pa frymë. Gjuha kombëtare në Belize është anglishtja.
3. Mauritius
Pyetja më e kërkuar për ishullin parajsor të Mauritius është: “ku është Mauritius”. Na lini ne të merremi me këtë: ai ndodhet në Oqeanin Indian, rreth 700 milje në lindje të Madagaskarit. Tani që e dini se ku ndodhet, ja disa arsye për të vizituar këtë vend, sipas bashkëpunëtorit të CNN, Tony Smart:
“banohet nga një popull paqësor me shumë raca, i mbuluar nga fusha të mëdha golfi, ofron larmishmëri sportesh ujore, ecje në mal, gjueti, vëzhgim zogjsh (birdwatching), resorte luksoze, një kryeqytet të vjetër kolonial, ushqim të mrekullueshëm, hotele me tre dhe katër yje, dhe një nga kopshtet botanike më të mira në botë, jeta e natës është e gjallë, me bare të bukura në plazh, Vende të Trashëgimisë Botërore të UNESCO-s, dhe një nga garat më të vjetra me kuaj shtigje në botë dhe peizazhe të mrekullueshme”.
2. Norvegjia
Norvegjia përfshihet vazhdimisht në klasifikimet e vendeve më të lumtura në botë. Cili është sekreti i tyre. CNN pyeti dy pjesëtarë të familjes mbretërore të vendit, princin e kurorës Haakon dhe princeshën e kurorës Mette-Marit, për të dhënë opinionin e tyre.
Mette-Marit u përgjigj: “ne na pëlqen të qëndrojmë jashtë, në natyrë. Nëse jeni në një shtëpi në Norvegji të dielën dhe nuk dilni të bëni një shëtitje në pyll … nuk është mirë”.
Nëse doni të gjeni këtë energji paqësore për veten, shkoni në Bøkeskogen, pylli me ahe më verior në botë, rreth dy orë larg kryeqytetit të Olsos.
1.Ishujt Cook
Ky grup prej 15 ishujsh në Paqësorin Jugor është në krye të listës së dëshirave të shumë prej bashkëpunëtorëve të Lonely Planet për vitin 2022 dhe më tej. Çfarë ofron? Aktivitete në ujë si snorkeling, zhytje dhe peshkim, për të mos folur për një eksplorim të komunitetit vendas Maori në Te Vara Nui Village.
10 rajonet
1. Westfjords, Islandë
2. West Virginia, SHBA
3. Xishuangbanna, Kinë
4. Kent’s Heritage Coast, Mbretëri e Bashkuar
5. Puerto Riko, SHBA
6. Shikoku, Japoni
7. Atacama Desert, Kili
8. The Scenic Rim, Australi
9. Vancouver Island, Kanada
10. Burgundy, Francë
10 qytetet
1. Auckland, Zelandë e Re
2. Taipei, Tajvan
3. Freiburg, Gjermani
4. Atlanta, SHBA
5. Lagos, Nigeri
6. Nicosia/Lefkosia, Qipro
7. Dublin, Irlandë
8. Merida, Meksikë
9. Firence, Itali
10. Gyeongju, Koreja e Jugut
/ CNN
