Pedagogu Alket Dino i arrestuar për korrupsion në Korçë përgjohej prej një muaji nga SPAK.
Avokati i tij Nevzat Tarelli ka treguar se ka qenë ndërhyrja përmes një agjenti të filtruar si student, që ka bërë të mundur arrestimin e tij, veprime të cilat ai i ka quajtur të “stimuluara nga prokuroria”.
“Pedagogu është mbajtur për një muaj në përgjim, kohë kur është regjistruar procedimi penal nga SPAK dhe dje është bërë arrestimi në flagrancë. Dino u arrestua mbrëmë për shkak të një hetimi të filluar nga SPAK”.
Një student i infiltruar ka hyrë dhe ka kontaktuar me ta për një provim të mbetur. Në momentin e arrestimit, pedagogu nuk ka pasur lekë me vete, por ato kanë qenë në xhepin e sekserit të tij, është shprehur avokati.
“Dje janë finalizuar kryerja e veprimeve simuluese nëpërmjet një agjenti të infiltruar. Bëhet fjalë për një student i cili ka pasur një provim të mbetur. Prokuroria ka kryer veprime të simuluara me Xhevahir Dervishin nëpërmjet një agjenti të infiltruar. Në momentin e arrestimit Dino nuk ka pasur asnjë prej kartëmonedhave që u përdorën për veprimin simulues. Një pjesë e lekëve janë gjetur te Dervishi, një pjesë nuk janë gjetur”.
Pedagogu Dino e mohon të jetë përfshirë në korrupsion, ndërsa pranoi se e ka takuar sekserin Dervishi, por për shkaqe personale.
“Është e vërtetë që ka pasur kontakt me të arrestuarin tjetër, por takimi ka qenë për shkak të interesit të pedagogut për një shtëpi me qira, pasi Dervishi është pronar i një agjencie imobiliare. Alket Dino është pozicionuar qartë qe nuk ka lidhje me rastin korruptiv që ka të bëjë me një student që pretendon që ka paguar për një provim me Alket Dinon 500 euro.Gjatë kontrollit fizik profesorit nuk i është gjetur asnjë kartmonedhë euro.Një pjese e eurove janë gjetur në portofolin e Xhevi Dervishit”.
Sipas avokatit të pedagogut, rezultatet e provimit janë mbyllur para një jave dhe nuk ka asnjë mundësi që pedagogu të ndërhynte në sistem për të ndryshuar notën.
/iconstyle.al
