Sipërmarrësja Ori Kuçi ishte e ftuar dje në emisionin “Rudina” ku foli për eksperiencën e saj të bukur bë “C’est la vie”, por edhe lidhjet e saja me muzikën.
Në çdo dalje të saj së bashku me këngëtaren Anxhela Peristeri na ka mahnitur, por sidomos të dielën e kaluar me këngën e të madhes Nexhmie Pagarusha “ E dehur jam”.
“Unë kam studiuar për kanto dhe kam qenë pjesë në aktivitete të ndryshme. Kur kam qenë e vogël kam kënduar. Pas përfundimit të gjimnazit nuk kam kënduar më kurrë përveçse me miq dhe në familje.”: tha Ori.
Sipërmarrësja rrëfeu se muzika ka qenë një ndër pasionet më të mëdha të saj, por që u thye në mes nga pedagogët.
“U futa plot pasion, dëshirë dhe vullnet në Lice dhe dola vetëm me talentin. Nuk ka qenë një periudhë shumë e mirë në sistemin shkollor, nuk dua ta hap më atë temë, por unë u bëra pjesë inatesh mes pedagogësh se përse studioja në një vend dhe jo në një tjetër dhe m’u thye ëndrra”: rrëfeu Ori.
