Ditën e djeshme, aktorja e njohur Almeda Abazi, partneri Tolgahan Sayisman dhe vogëlushi i tyre Efehan mbërritën në Kosovë.
Siç u bë e ditur, arsyeja e vizitës së çiftit ishte bisedimi me ministrin Gashi për disa projekte të mundshme filmike që mund të realizohen mes Kosovës dhe Turqisë.
View this post on Instagram
Megjithëse ende s’ka diçka konkrete, të dyja palët janë shprehur të gatshme të bashkëpunojnë dhe t’i bëjnë kinematografitë bashkë.
Madje, Tolgahan pranoi se mund të aktrojë vetë në ndonjë film shqiptaro-turk në një të ardhme të afërt.
Mirëpo, ky nuk është angazhimi i vetëm që çifti do të ketë në Kosovë, pasi “Prive.al” ka zbuluar se vitin tjetër Almedën dhe Tolgahan-in i pret një dasmë!
Motra e Almedës, Ilda, do të kurorëzohet me martesë me basketbollistin e njohur turko-kosovar, Kenan Sipahi.
Ata janë në një lidhje dashurie prej një kohe të gjatë dhe kanë vendosur që dasmën ta mbajnë në Kosovë verën që vjen.
Kjo është një arsye më shumë që familja e tyre të krijojë lidhje të forta jo vetëm me Shqipërinë, por edhe me Kosovën!
