Kim Kardashian është kritikuar ashpër nga fansat pas një dështimi të dukshëm në Photoshop të hënën, pak pasi publikoi një seri fotosh të reja për 168 milionë ndjekësit e saj.
Bashkëshortja e Kanye West tregoi flokët e gjatë të errët me një model që vinte në pah një print të lëkurës së gjarprit, që shkonte në mënyrë perfekte me veshjen në po të njëjtin print që mezi i mbulonte trupin.
Sidoqoftë, disa fansa arritën të dallonin një dorë në flokët e Kim, dhe gishtërinjtë e saj në flokë, që i krijonin një volum më të madh. Nuk bëhet fjalë për dorën e Kim, pasi me sa shohim në foto ajo i ka të dyja të mbështetura në mur.
“Ke lënë një dorë ekstra në flokë”, shkruan një fans në Twitter duke postuar imazhin.
Kim tha se këto foto i ka realizuar në shkurt përpara se të izolohej me bashkëshortin Kanye dhe fëmijët e saj, North, Saint, Chicago and Psalm.
Pak ditë më parë edhe Kylie u akuzua për photoshop. Vëmendja ndaj motrave Kardashian Jenner është aq e madhe saqë, edhe fansat e tyre mund të nuhasin probleme të tilla, përballë një ekipi profesionistësh të cilët punojnë për to.
