Martesa e fshehtë e Alban Skënderajt dhe Miriam Canit na zuri të gjithë të papërgatitur.
Çifti që ka një lidhje 12-vjeçare dhe një vajzë, Amelinë, u martua në një ishull të pabanuar, në datën 5 maj.
Fotot u publikuan vetëm dje, bashkë me një dedikim emocionues për njëri- tjetrin (lexo këtu).
Sot, Miriam Cani publikoi një foto ku duken profilet e të dyve në errësirë ndërsa pas tyre, perëndimi i përskuqur. Një moment shumë intim mes Miriamit dhe Albanit, i cili e puth në ballë.
Poshtë fotos, vetëm një datë: 30.05.2019.
Duket se mund të jetë një këngë e re ajo që paralajmëron Miriami! Vitin e kaluar, Alban Skënderaj paralajmëroi se do të ketë edhe një duet tjetër mes tyre. Megjithatë, ai tha se nuk do të ishte baladë por eksperiment me një rrymë tjetër.
Sidoqoftë, vështirë një këngë pas dasme të mos jetë baladë.
Nga ana tjetër, mund të jetë edhe një klip me momentet më të bukura nga ceremonia ai që do të vijë në datë 30!
Alban Skënderaj paralajmëroi se do të ketë edhe një dasmë me shoqërinë, shumë shpejt.
