Duhej të ishte një nga ato aventurat ku do të bëheshin foto dhe video fantastike nënujore, por zhytja e 34-vjeçarit Armando Hallvaxhiu në shpellën e Haxhi Aliut, rezultoi fatale për jetën e të riut.
Ai kishte vendosur bashkë me disa shokë të shkonte këtë fundjavë në Vlorë dhe të zhytej në thellësinë e bregdetit të Jonit, por fatkeqësisht nuk ka mundur të dalë prej andej.
Armando njihej për pasionin që kishte për zhytjen në thellësitë e detit si dhe peshkimin, por ky pasion i mori jetën në mënyrë të dhimbshme.
Operatori i “News24”, do të përcillet sot për në banesën e fundit. Miqtë e tij dhe të gjithë ata që kanë punuar me të, kanë bërë disa dedikime prekëse dhe rrënqethëse për ndarjen nga jeta para kohe të Armandos.
