Pas ribashkimit të “Friends”, Jennifer Aniston dhe David Schwimmer pranuan se kishin pasur një pëlqim shumë të fortë ndaj njëri-tjetrit gjatë xhirimeve të serialit.
“Sezonin e parë unë kisha pëlqim shumë të madh ndaj Jennifer. Në një pikë, të dy kishim pëlqim të fortë ndaj njëri-tjetrit. Por njëri prej nesh ishte gjithmonë në një marrëdhënie dhe asnjëherë nuk e kaluam kufirin. E respektuam këtë gjë”, pranoi Schwimmer.
Ndërkohë, një lajm që ka qarkulluar së fundmi ka entuziazmuar të gjithë fansat e këtij seriali. Një burim ka treguar për “Close” se ata janë afruar shumë pas xhirimeve për 25-vjetorin e serialit dhe kanë nisur një lidhje të vërtetë bashkë.
“Pas ribashkimit, u bë e qartë se kujtimi i së kaluarës kishte ngjallur ndjenja për të dy dhe se kimia që ata duhej të fshihnin gjithmonë ishte akoma atje. Ata filluan të shkruajnë mesazhe menjëherë pas xhirimeve dhe vetëm muajin e kaluar, David fluturoi nga shtëpia e tij në Nju Jork për të parë Jen në Los Angeles.
Ata kanë nisur të kalojnë kohë në shtëpinë e Jennifer, ku ajo ka gatuar darkën dhe kanë kaluar një kohë cilësore bashkë, duke folur dhe qeshur. Ata janë parë edhe duke pirë verë, të përqendruar në bisedë, teksa ishin në një nga vreshtarit e preferuara të Jennifer, ku dukej qartë se kishte shumë kimi mes tyre”, kanë thënë burimet.
E mesa duket gëzimi i fansave nuk ka zgjatur shumë pasi David Schimmer u ka shuar shpresat. Një burim deklaroi për “The Sun” se aktori i ka mohur këto lajme.
“Ne të dy e pëlqenim njëri-tjetrin, por nuk përputheshim. Njëri nga ne ishte në lidhje dhe asnjëri nuk e kaloi kufirin”-ka thënë David.
