Moderatorja Kiara Tito ditët e fundit është bërë pjesë e mediave rozë për një lidhje dashurie me këngëtarin Butrint Imeri. Më shumë se sa programi i saj i ri që do të startojë në “Tv Klan” në qendër të mediave ka qenë pikërisht thasheshemi i lidhjes së saj me Butrintin.
Para disa kohësh në një intervistë bukuroshja e cila ka moderuar emisionin “Select” tha se miqësia e tyre ka nisur në televizion dhe ka mohuar që mes tyre të kishte një lidhje.
“Me Butrintin kam një miqësi që ka nisur në televizion. Nuk ka asgjë më shumë”, ka thënë Kiara.
Komentet që ata i bëjnë njëri-tjetrit në rrjetet sociale na bëjnë që ne të dyshojmë se midis tyre ka diçka më shumë se sa miqësi. Në foton e fundit që moderatorja e re e “Tv Klan” ka postuar në profilin e saj, nuk janë të pakta komentet që hedhin dyshime për raportin e saj, por edhe të tjera jo dashamirëse.
Kiara pa specifikuar se kujt i drejtohet ka bërë një status që me sa kuptohet është një përgjigje për të gjitha këto komente.
“Më vjen keq që njerëzit mbushen me urrejtje dhe krijojnë gjëra të paqena. Instinktet njerëzore do më çonin t’u kthehesha atyre komenteve të mbushura me mllef, në të njëjtën mënyre, por nuk e bëj dot një gjë të tillë! T’ju them të drejtën, këto fjalë më prekin, por jo për faktin se po me ofendojnë mua, por sepse shpesh këto veprime shtyjnë në hije pozitivitetin dhe vënë në pah negativitetin e shoqërisë njerëzore. Asnjë koment apo prezencë negative nuk do mund të më ndryshojë dot mua dhe dashurinë që ndjej për atë çka më rrethon. Love you all!”, shkruan Kiara në “Instagram” duke i lënë me kaq diskutimet dhe komentet e ditëve të fundit.
