Reperi kosovar, Majk ka gjetur rehatinë në dashuri me një femër tjetër.
Pak ditë pasi lindi djali i tij në lidhje me Majlinda Zekën, reperi i labelit Baba Stars po shoqërohet me një femër zeshkane.
“Indeksonline” zbulon se Majk është në lidhje me të që disa javë ndërsa lumturia e tyre u pa edhe në ditën e sotme kur çifti vendosi të kalonin kohë pranë njëri-tjetrit në një nga lokalet e Prishtinës.
Media shkruan se po në të njëjtin lokal, pranë Majkut u gjend edhe nëna e djalit të tij, Majlinda Zeka, ndërsa reperi kishte kaluar pranë saj me kokën ulur.
Por, i kontaktuar nga Telegrafi, Majk mohon faktin të ketë ndodhur një gjë e tillë, dhe demanton faktin se është në lidhje të re.
“Jo, nuk është e vërtetë, vetëm se fotografohem pranë një shoqeje nuk do të thotë se jam në lidhje me të, ose se ajo ishte e dashura ime, plus që aty ishin me shoqëri, nuk ishim vetëm unë edhe ajo”, tha Majk për Telegrafin.
Ndërsa sa i përket faktit se në atë lokal ai u ndesh me nënën e djalit, Majku hedh poshtë edhe këtë fakt.
“Unë isha në lokal dhe nuk kam parë askënd, por edhe po të shishja këdo nuk do të ulja kokën para askujt”, ka përfunduar reperi.
Ndryshe, edhe në fotografitë e publikuara vërehet se pranë personazheve të apostrofuar, të pranishëm kanë qenë edhe persona të tjerë.
