Khloé Kardashian pasi mësoi se Tristan Thompson e tradhtoi me shoqen e ngushtë të Kylie Jenner, Jordyn Woods, i ka dhënë duart Tristan-it. Siç e ka shprehur shpeshherë edhe me ndjekësit në llogarinë e saj në Instagram përmes shprehjeve të shumta, ajo është shumë e mërzitur.
Mirëpo, teksa bukuroshja e ka bërë një zgjedhje, motra e saj Kylie është mes dy zjarreve. Ajo është në dilemë për ta vazhduar apo jo shoqërinë me shoqen e saj.
Një burim është shprehur për “Us Weekly” se pasi u shpërndanë lajmet e tradhtisë, Kylie i ka qëndruar në krah Jordyn-it. Më pas, Jenner e ka përzënë nga shtëpia e saj.
“Në fillim familja e saj mendoi se ajo do ta merrte Jordyn sërish në shtëpinë e saj, mirëpo Kylie nuk e bëri një gjë të tillë. Është shumë e vështirë për 21-vjeçaren të humbasë shoqen e saj më të ngushtë sepse ajo nuk ka shumë miq dhe sinqerisht nuk mundet, për shkak të stilit të saj të jetesës”, është shprehur ndër të tjera burimi.
Për ata që e kanë humbur si informacion, Tristan është parë duke u puthur me Jordyn në një festë. Ndërkohë ajo ka reaguar duke thënë që ka qenë nën efektin e alkoolit. Por kjo nuk është hera e parë që Tristan e tradhton Khloé-n. Vitin e kaluar ai u filmua duke u puthur me dy femra, pak ditë përpara se Khloé të lindte vajzën e saj, True.
