Shkrimtarja e njohur Flutura Açka dy ditë më parë nëpërmjet një statusi në Facebook dha lajmin rrëqethës se ka humbur djalin e saj të vetëm 18-vjeçar, Jerin van de Brink. Një lajm ky që i preku të gjithë, të njohur dhe të panjohur.
Sipas statusit që Flutura bëri në Facebook i biri humbi jetën si pasojë e një sëmundjeje të rrallë.
Mirëpo menjëherë pas këtij lajmi gjithë opinioni shqiptar u trondit nga një deklaratë e psikologes Genta Kaloçi, e cila u shpreh e lumtur për tragjedinë që i kishte ndodhur shkrimtares së njohur.
Nëpërmjet postimit të saj Genta tregonte se iu bë qejfi pa masë që Flutura humbi pasardhësin e saj të vetëm.
“Fatkeqësi? Jo. Drejtësi? Po. Ashpërsi? Mbase.”- ka shkruar ajo ndër të tjera.
Ndërkohë që lajmi u përhap me shpejtësi dhe jo të paktë ishin ata të cilët e gjykuan negativisht, psikologia Genta Kaloçi na ka treguar të gjithëve se nuk njeh limite.
Ajo ka postuar në profilin e saj në Facebook një deklaratë të dytë që na la të gjithëve pa fjalë.
“Reklamë/promovim negativ nuk ka, kur flasin shifrat. Prandaj falënderoj të gjithë trapat e bashkuar për një qëllim të paditur e dëshirë të panjohur për shpërndarjen e lajmit në kohë rekord. Sikur edhe me pagesë t’ju kisha nuk do e bënit më mirë!! Ju lumtë!
Mos ndaloni, të arrijmë 10 milion klikime e 100 milion komente! Gara sapo ka filluar. Futjuni me normë!! Budallenjtë të të gjitha llojeve në gatishmëri!! Flm për b/punimin dhe për zbatimin e urdhrit tim!! Reklamim më i mirë se ky nuk ka!! Jeni fiks siç ju ka përshkruar statusi!! Mirënjohje! Pa ju nuk do isha kjo që jam dhe pa ju nuk do Arrij atje ku jam nisur!! Së shpejti.
Më pëlqen sensi politiko-mediatik, sidomos kur ka surpriza!”- ka shkruar ajo.
