Një postim i Tayna-s në Instagram ku tregon se po shpërndan ndihma për njerëz në nevojë, nxiti komente të ashpra nga ana e Olti Currit.
“O Tayna na i solle zorrët në fyt që publikon këto “bamirësitë””, shkruajti blogeri, “Për 50 euro pazar shkon bën story tjetra, kujton se do i japin titullin shenjtore, “Nënë Tayna”.
Mund të pritej një reagim i drejtpërdrejtë, por reperja vendosi ta kalojë situatën duke shpërndarë një mesazh pozitiviteti.
Duket se Tayna kërkon të tregojë se i ka lënë pas kohët kur ndikohej nga komentet e të tjerëve, pasi thënia e postuar prej saj, është një konfirmim i dashurisë së pakushtëzuar për veten.
“Kërkoj falje për vitet kur të shpërfilla, për vitet kur isha e verbër para madhështisë tënde. Ti paske qenë magji gjatë gjithë kohës. Një shënim për veten, nga vetja.”
Tayna ka folur shumë herë për besimin që ka tek spiritualizmi. E ftuar tek “Xing me Ermalin” ajo iu referua të menduarit pozitivisht si çelësi i sukesit të saj në muzikë.
Nga ana tjetër, Olti Curri ka qenë përherë i hapur në kundërshtimin që ka për publikimin e veprave të bamirësisë.
Kujtojmë se vetëm pak javë më parë, ai kritikoi ashpër produksionin e “Kurthit të Piter Pan”, se promovoi një fushatë për mbledhjen e të ardhurave në ndihmë të Xheisonit, duke u shprehur se po e shndërrojnë në lypës. (lexo këtu)
