Prej disa javësh, Anxhelina po qëndron pranë familjes së saj në Tiranë, për të shijuar pushimet me ta. Por në Los Angeles, ajo la vetëm mikun e saj më të mirë, Ariel, me të cilin ndan edhe shtëpinë.
Por duket se Ariel, i cili është edhe grimieri personal i Kylie Jenner, nuk ka duruar dot largësinë mes tyre dhe vendosi të surprizojë mikeshën e tij. Ai ka udhëtuar drejt Tiranës dhe mëngjesin e së dielës, trokiti në dhomën e gjumit të Anxhelinës.
Në videon e publikuar në “Instagram”, Anxhelina shfaqet shumë e përgjumur dhe ende nuk e kupton se çfarë po ndodh, ndërsa Ariel hidhet ta përqafojë në shtrat.
“Mendoj se nuk e kupton se do të bëja gjithçka për ty” – shkruan Ariel, krahas fotos ku shfaqet me Anxhelinën.
Po ju, e keni një mik të ngushtë si i Anxhelinës, që udhëton rreth 16 orë me avion për të të surprizuar?!
