Katie Holmes dhe Jamie Foxx do të martohen në Paris, pasi arritën që ta mbanin për vite me radhë të fshehtë marrëdhënien.
Aktorja 39-vjeçare dhe aktori 50-vjeçar po planifikojnë që të martohen në Qytetin e Dritave, sipas një burimi të “Radar Online”.
“Parisi është qyteti ku ata planifikojnë ta bëjnë romancën publike pas 5 vitesh lidhjeje. Jamie ka qenë shumë mbështetës me të, që kur nisën lidhjen sekrete në 2013-n. Tani janë gati ta bëjnë zyrtare”, tha një burim.
Holmes u nda nga ish-bashkëshorti Tom Cruise në vitin 2012.
“Katie ka pritur kaq gjatë që të martohet me Jamie dhe tani po e bën të qartë se ku dhe kur do që të martohet. Ajo kërkon një dasmë dimërore në Paris”, shtoi burimi.
Ky lajm vjen vetëm disa javë pas thashethemeve se dyshja ishte fejuar, pasi aktorja u dallua me një unazë me diamant këtë muaj.
Burimi: Daily Mail
