Tashmë është bërë zyrtar lajmi dhe sezonin e ri, Arjola Shehun dhe Kelvi Kadillin do i shohim nën logon e një ekrani tjetër.
Pas një shkëputje të shkurtër nga televizioni ata do të rikthehen në ekranin e Ora News.
Dyshes i është besuar emisioni i mëngjesit “Ditë e Re” dhe pritet që në shtator të startojnë programin e shumëpëlqyer.
Por pasi u zbuluan prezantuesit e emisionit, Arjola dhe Kelvi po tregojnë pak nga pak surprizat e edicionit të ri.
Pak minuta më parë moderatorja ka zbuluar se Bojken Lako i është bashkuar skuadrës së tyre si regjisor i emisionit.
” Kelvi Kadilli prezantuesi dhe autori i emisionit dhe surpriza jonë… Ekipit të emisionit të mëngjesit i shtohet Bojken Lako”, shkruan Arjola krahas një videoje të publikuar në Instastory.
Bojken Lako është një nga themeluesit kryesorë të “Top Albania Radio” dhe programeve muzikore në Top Channel. Ai ka qenë autor dhe regjisor i disa programeve televizive, si përshembull : Top Fest, Top Select, Promo Zone, Bulza, Tirana Art Fest e disa të tjerë.
Kujtojmë se Arjola dhe Kelvi sezonin e ri do të zëvëndësojnë moderatorët, Dajana Shabani dhe Besmir Metani.
