Vetëm pak ditë më parë në rrjetet sociale qarkulluan disa foto ku aktorja turke Tuba Buyukustun, e cila është bërë e njohur në Shqipëri me rolin e Elifit, shfaqej në momente të nxehta me të dashurin e saj të ri.
Në foto ajo shihej duke u përqafuar dhe përkëdhelur me Umut Evirgen, i cili është 8 vite më i ri se ajo. Ndërkohë që të gjithë filluan të flisnin vetëm për të, Tuba reagoi nëpërmjet një postimi në Instagram ku me ironi shkruante se njerëzve u pëlqen të gjykojnë sikur vet të jenë të pafajshëm.
“Të dashur njerëz, e keni shumë me dëshirë të gjykoni apo jo? Mos ndoshta iu bën të ndiheni më të mirë sesa jeni realisht? Iu duket vetja të suksesshëm nëse gjykoni? Më të mirë? Më të ndershëm? Më të pafajshëm sesa jeni realisht? Nëse kjo gjë iu bën kaq të lumtur, mund të vazhdoni ta bëni”, shkruante aktorja.
Mirëpo këto foto Elifit duket se i kanë hapur probleme dhe me familjen e saj dhe mediat po shkruajnë se aktorja ka debatuar me prindërit e saj dhe pas sherrit ata e kanë nxjerrë jashtë nga shtëpia e tyre verore, ku ajo po qëndronte.
Pas këtij debati Elifi është vendosur në hotelin ku po qëndron edhe i dashuri i saj Umut Evirgen.
