Pak orë pasi 20-vjeçari Edlir Reka zbuloi prapaskenat e “mashtrimit” (lexo këtu) me pikturën e tij në emisionin e Rudina Magjistarit dhe Bieta Sulos, ka ardhur dhe reagimi i parë një stafi i emisionit “Rudina”.
Reka pretendonte se ishte i infiltruar i emsionit “Bypass Show” për të demaskuar mediat shqiptare dhe për të vërtetuar fjalët e kryeministrit Edi Rama, i cili i quan mediat “kazan mediatik”.
I riu publikoi edhe një video të shkëputur nga emisioni “Bypass Show” ku moderatori Agim Bajko thotë se është një sajesë e stafit me gazetarin Edlir Zeka për të testuar inteligjencën kombëtare.
Por gazetari Osman Stafa, i cili është pjesë e stafit të Rudinës, shprehet se në të vërtetë emisioni “Bypass Shoë” thjesht e ka ironizuar Edlir Rekën, ndërkohë që ai e ka marrë seriozisht.
Stafa u kërkon familjarëve ta dërgojnë të riun në një psikiatër, pasi thotë se ka filluar vërtet të besojë se është gazetar.
“Më vjen keq për të sepse vazhdon t’i bëjë koma keq vetes. Kam një thirrje për ata që e njohin Edlirin, për familjen e tij. Çojeni atë djalë tek ndonjë psikiatër, përpara se delirimi i tij të mos ketë kufij. Ai duhet shëruar, nëse vërtet i duam të mirën atij personi. Vete Bypass konfirmon, se thjesht kane bërë ironi me personazhin dhe me rolin e tij si “gazetar” i emisionit, sepse ai nuk është gjë tjetër veçse një mashtrues, i cili ka nevojë për rehabilitim. Ai sot ka filluar të besojë se është një gazetar, jo më një piktor.
