Një dedikim tjetër është bërë për një nga banorët e shtëpisë më të famshme në Shqipëri.
Këngëtarja e njohur, Poni, së fundmi ka krijuar një këngë të cilën ia ka dedikuar modeles dhe finalistes së “Big Brother VIP Albania”, Beniada Nishani.
Projekti i ri muzikor i Ponit titullohet “Vajzë shqiptare” dhe në rreshtat e saj përmendet disa herë emri i modeles duke e përshkruar si një femër elegante, e bukur dhe plotë sharm.
Kënga është me tekst dhe muzikë nga Poni, në kitarë Arjan Gjici, aranzhimi nga Valter Beqo, ndërsa për klipin u kujdes Flogert Kullolli.
Kujtojmë që rreth një javë më parë, Beniada u befasua nga një performancë e këngëtares brenda shtëpisë së famshme, kjo pasi modelja vazhdimisht kishte treguar se është adhuruese e saj që nga fëmijëria.
Pas daljes nga shtëpia, Poni bëri një postim në rrjete sociale duke i cilësuar sërish guximtarë banorët dhe bëri thirrje që të gjithë të kursejnë fjalën e keqe.
“Mbas nje vizite ne Big Brother ku perfshihesh nga emocione, qe nuk di si ti kalosh. U binda dhe njehere qe banoret kur jane te izoluar kane nevoje me shume per dashuri se ata qe jane jashte. Shikimet e tyre do me mbesin gjate ne memorie, mu duk sikur secili prej tyre donte tme pyeste- Ç’behet atje jashte a na duan ndonje cike apo kemi ber gabime? O Zot nje eksperience qe do guxim. Ate kohe qe me kishin lene ne dispozicion mbas perqafimeve me Beniaden, jam e lumtur qe shkembeva me te gjjthe nga nje fjale. Sepse e di qe Beniada eshte ajo zemra e paster qe nuk do ndihej kurre keq per kete. Kurseni fjalen e keqe sepse na kane dhuruar shume emocion dhe meritojne shume dashuri Guximtaret tane te BBV. Beniada doja te flisja gjate me ty por kur te dalesh jashte do jesh ti e ftuara ime kete here”, shkruante Poni.
