Kur gjëra të tilla ndodhin kupton që interneti “çmendet” dhe ka aftësinë që nga presioni i tepërt të të “çmendë” edhe ty…
Po flasim për videon virale ku protagonistët kryesorë janë Beyonce, Jay-Z dhe një grua sexy e quajtur Nicole Curran.
Kjo e fundit është bashkëshortja e shefit të Warriors dhe mbrëmjen e kaluar ajo ka tërhequr vëmendjen e të gjithëve në finalen e NBA-së, në Oakland, ku luanin Golden State Warriors dhe Toronto Raptors.
Siç mund ta shikoni edhe në videon e mëposhtme, ajo është zgjatur në drejtim të Jay-Z, duke ngushtuar pakëz Beyonce-n dhe pas asaj që i ka thënë partnerit të yllit të muzikës, të thuash se këngëtarja është tërbuar, është pak.
Fytyra e saj ka ndryshuar brenda disa çasteve, dhe madje nga acarimi i tepërt, dukej sikur nuk e zinte vendi.
Reagimi i Jay-Z gjithashtu ngjalli shumë dyshime…
Po ta kishim parë këtë sekuencë në një film të caktuar, pa frikë do mendonim se ajo i kërcënoi me vdekje ata të dy (mirëpo këtë sigurisht po e themi në kuadër të shakasë).
Si qëndron e vërteta?
Interneti aktualisht është “çmendur” dhe shumica e përdoruesve të rrjeteve sociale kanë shprehur mendimet e tyre të tipit: “Beyonce është bërë xheloze, dhe po u bë ajo xheloze më mirë të zhdukesh nga faqja e dheut.”
Një tjetër ka shkruar: “Kush është ajo femër në tokë që guxon dhe shtrihet ashtu para Beyonce-s?”
Jay-Z and Beyoncé are courtside for Game 3 😎 pic.twitter.com/6mmJuN8Odn
— ESPN (@espn) June 6, 2019
Ndërkohë pyetja enigmë e ditës është: “Çfarë tha Nicole Curran që ndryshoi çehret e dy personazheve të njohur?”
50-vjeçarja ka reaguar publikisht dhe ajo çka ka thënë realisht na habiti.
Nicole është shprehur se ka marrë kërcënime me vdekje në rrjetet e saj sociale dhe është detyruar që t’i mbyllë ato nga presioni i madh: “Mendoj se kjo është e padrejtë. Ata ishin të ftuarit tanë mbrëmë. Unë i ofrova asaj një pije dhe më pas atij gjithashtu. Kaq është, s’ka asnjë histori për të treguar.”
Ndërsa momentin që ajo është shtrirë në drejtim të Beyonce ajo e sqaroi kështu: “Po i ofroja një pije Jay-Z, por në momentin që ai nuk e dëgjoi çfarë po i thoja, u afrova më shumë.”
Tani realisht s’dimë çfarë të besojmë!
