Studiuesi Taulant Muka tërhoqi vëmendjen e publikut kur në fillim të muajit tetor akuzoi për plagjiaturë ish-zëvendësministrin e Arsimit, Ervin Demon.
Ndërsa nga dita e djeshme, Muka ka marrë pozicionin e këtij të fundit, pasi Demo dha dorëheqjen më 19 tetor.
Pjesë e vendimeve të Këshillit të Ministrave, ishte edhe emërimi nga kryeministri Edi Rama i Taulant Mukës, si zëvendësministër i Arsimit dhe Sportit.
Ervin Demo u akuzua për plagjiaturë nga studiuesi Taulant Muka, që postoi foton e një artikulli të publikuar nga Demo dhe ku rezulton se një pjesë e konsiderueshme e tij është kopjuar nga libri i Janet Morrison.
Sipas Mukës materiali është publikuar në vitin 2012 në Revistën shqiptare Social Ekonomike, me bashkautor zëvendësrektorin e Universitetit të Tiranës, Bernard Dosti.
Demo u shpreh pas dorëheqjes kështu: “Çdo argumentim nga ana ime kundër baltosjes në pozicionin që jam sot, do të paragjykohej vetiu dhe do të linte vend për keqinterpretime, nëse unë do të mbetesha në pozicionin tim”.
